விநாயகர் வணக்கம்

ஐந்து கரத்தனை யானை முகத்தனை
இந்தின் இளம்பிறை போலும் எயிற்றனை
நந்தி மகன்தனை ஞானக் கொழுந்தினைப்
புந்தியில் வைத்தடி போற்றுகின் றேனே

முழுமுதற் கடவுளாம் விநாயகரைத் தொழுதே எல்லா செயல்களும் தொடங்கப்படுகின்றன. எல்லாப் பிரிவினராலும் வணங்கப் படுபவர் விநாயகர். பிள்ளையார் என்று பிரியமுடன் அழைக்கப் படும் அந்த ஐந்து கரத்தை உடையவரை, யானைமுகம் கொண்டவரை, சந்திரனின் பிறைபோன்ற தந்தம் கொண்டவரை, ஞான வடிவானவரை நாம் சிந்தையில் வைத்து போற்றுவோம்.